الشعر الملحون يحكى واقع اليوم

                       زمان يوم كلمات في الصميم                           
كثر الهرج والمرج كلش صبح عوج
                                        الرجال غابوا والذر تهرج                                   
ما بان فيهم ليمشي قائم و الا لاعرج
                راني ما فهمت والوا في هذا الوقت الخامج                 
عيت نفهم ونتمعن ونسال ولوج
                      توقفلي التفكير كل شيء اصبح مبرج                                 
كل واحد اصبح يقرر ويمنهج
                      ويجيبلك الف الف برهان بالحجج                                          
على قد ما تقرا فالكتب وتستنتج
                      تلقى روحك بعيد يا مسكين غير الدرج                                
زادت سرعت الزمان وكثر التبرج
                    تبقى حائر ما تعرف العازب من المتزوج                         
حتى الفرض شراوه وقالوا حج
                   كل واحد يروح يجيب قميص اكس لارج                              
راني نسا ل فيكم يا خاوتي كشما مخرج
                     انا راني خلاص خلاص مخي تعفج                            
يا ناس الفكر وينكم هاتونا منهج
                       نمشي عليه ويكون لينا نور ومخرج

                                       Maich bechane معيش

تصنيف : كلمات تاريخية